Ինչպես արձագանքել Հիսուսի սարսափազու ասացվածքնրին

Gospel Translations Armenianյից՝ ազատ հանրագիտարանից

Նամակներ Քեմբրիջից #1

Բաներից մեկը, որը ես այս պահին անում եմ իմ արձակուրդի ընթացքում այստեղ՝ Քեմբրիջում, չորս ավետարանը կարդալն է, և Հիսուսի բացահայտ և թաքնված պատվիրանների հավաքագրումը տարբեր կատեգորիաներում: Այս նախաձեռնության մեջ ես առաջնորդվում եմ Մաթևոս 28:18-20-ով: Հիսուսն ասաց. ՙԱմեն իշխանությունն ինձ տրվեց երկնքում և երկրումս. Ուրեմն գնացեք... [բոլոր ազգերը աշակերտեցեք] որ ամեն ինչ-որ ձեզ պատվիրեցի՝ պահեն: Այսպիսով կարևոր է, որ մենք կարողանանք դա անել: Մենք պետք է աշակերտենք և հնազանդվենք ՙամենին, որ նա պատվիրեց մեզ՚, որովհետև նա ունի ՙամեն իշխանությունն՚ տիեզերքում: Ուրիշ ոչ մեկը չունի այս իրավունքը, իմաստությունը կամ սերը՝ մեզ ասելու, թե ինպես ապրենք: Միայն Հիսուսն ունի իշխանություն:

Բայց երբ ընթերցում եք ավետարանները, դուք որոշ սարսափելի բաներ եք գտնում: Եթե Դուք չեք զգում, որ դրանք սարսափելի են, ուրեմն դուք արթուն չեք: Կարծում եմ՝ դրանք նախատեսված են, որ մեզ արթնացնեն Քրիստոսին և նրա գիրքին ընտելանալուց: Այս մեկը գրավեց իմ ուշադրությունը, որովհետև այն ուղիղ կապ ունի Հիսուսի իշխանության խնդրի հետ: Ղուկաս 19:14-ում 10 մնասների (կամ տաս ֆունտի) մասին առակի սկզբում Հիսուսը նկարագրում է քաղաքացիների վերաբերմունքն ազնվականին այսպես. ՙ Բայց նրա համաքաղաքացիները ատում էին նրան. պատգամաւորներ ուղարկեցին նրա յետեւից եւ ասացին. «Մենք չենք կամենում, որ դա մեր վրայ թագաւորի»։ Հետո Ղուկաս 19:27 առակի վերջում Հիսուսն ասում է. «Բայց իմ այն թշնամիներին, որոնք չէին կամենում, որ ես թագաւորեմ իրենց վրայ, բերէ՛ք այստեղ եւ սպանեցէ՛ք իմ առաջ»։

Սա սարսափեցնող է: Հիսուսն ասում է, որ մարդիկ, որոնք չեն ուզում իր կատարյալ իշխանությունը իրեց վրա, կսպանվեն իր աչքի առաջ: Ի՞նչ պետք է մեր սրտերն ու մտքերն անեն Հիսուսի բերանից ելնող այսպիսի խոսակցության հետ:

1) Առաջինը մենք տեսնում ենք, թե ինչ կա իրականում այնտեղ. որոշ մարդկանց ճակատագրի և պայմանների մասին սարսափազդու լեզու: Նրանք թշնամիներ են: Նրանք չեն ուզում, Հիսուսի իշխանությունը իրնեց կյանքերի վրա: Նրանք կմորթվեն: Հիսուսը դա անել չի տա մի ծածուկ տեղ, այլ իր աչքերի առաջ:

2) Մենք խոնարհվում ենք Տիրոջ դատաստանի առջև և ընդունում, որ նրա ճամփան իմաստուն և արդար է, և նույնիսկ սիրով լի նրանց համար, ովքեր դողում են նրա խոսքից և ապաշխարում:

3)Մենք սարսռում ենք այն սարսափելի ապագայից, որ սպասվում է այնքան շատ մարդկանց:

4)Մենք ստեղծվել ենք խորհելու, թե ինչ է նշանակում Հիսուսի դեմ բարոյական և հոգևոր անարգանքի ապստամբությունը. հակառակ դեպքում դրա համար մորթվելը կլիներ անարդար արձագանք:

5)Մենք մեզ խոցելի ենք զգում՝ ճանաչելով ապստամբության մնացորդները մեր սրտերում:

6) Մենք Գառնուկի բարկությունից փախչում ենք (Հայտնություն 6:16) դեպի խաչը, որտեղ նա փախուստ է կազմակերպել իր իսկ բարկությունից (ՙՀիսուսին, որ փրկում է գալիք բարկությունի՚, 1 Թեսաղոնիկեցից 1:10):

7) Մենք զգում ենք այն ցնցող, խոնարհեցնող, անհավանական ճշմարտությունը, որ մեր փախուստը խոշտանգումներից, որ գալիս է Քրիստոսից և բերում է սքանչությունը այն բանի, որ մենք կվայելելնք Քրիստոսի հետ, միայն շնորհքով է և ոչ թե մեր արդարության պատճառով (ինչպես Հիսուսն ասաց, «Երբ որ դուք ձեզ հրամայված բաներն անենք, ասացեք, թե՝ «Մենք անպիտան ծառաներ ենք, որովհետև այն ենք արել, ինչ որ պարտական էինք անելու ՚ Ղուկաս 17.10):

8) Մենք խղճի խայթ ենք զգում, որ շատ հաճախ ինքնագոհ արհամարհանք կա ըմբոստ մարդկանց նկատմամբ, որը բարձրանում է մեր սրտերում, և մենք ավելացնում ենք այդ մեղքը մնացած բոլորի վրա, որը մեզ լավ թեկնածուներ է դարձնում ապստամբների հետ մորթվելու համար:

9) Մենք ապաշխարում ենք մեր սեփական ապստամբությունից և նրա շատ անկատ ձևերից և շնորհքով սեր ենք գտնում մեր սրտերում ապստամբ մարդկանց հանդեպ, որպեսզի ի տարբերություն անառակ որդու առակի ավագ եղբոր, մեզ իրոք ուրախութունը բերի, երբ Հիսուսի իշխանության դեմ ապստամբողներից որևէ մեկը փրկվի և միանա շնորհքի տոնակատարությանը, օրինակ՝ Սադամ Խուսեյնի նման մեկը:

10) Մենք փոխվել ենք մեր բոլոր թերություններով որպես ներված մեղավորներ, որպեսզի մտնենք ապստամբների կյանքները և նրանց զգուշացնենք իրենց վիճակի մասին և փոխանցեք նրանց Քրիստոսի գործը,և համբերենք նրանց ծաղրանքը, եթե որևէ ձևով մենք կարող ենք փրկել նրանցից որոշներին:

Սա հասարկ և հեշտ բան չէ: Եվ ես չեմ պնդում, որ դա լավ եմ անում: Բայց ես այդպես եմ ձգտում արձագանքել Աստվածաշնչի սարսափազդու բաներին:

Փափագելով փոխվել Սուրբ գրքի, այլ ոչ թե աշխարհի պահանջների համեմատ՝

Հովիվ Ջոն