Ինչպես պատրաստվել կյանքի փոթորիկներին

Gospel Translations Armenianյից՝ ազատ հանրագիտարանից

Որտեղ, որ ես ապրում եմ փոթորիկների շրջան է: Եվ նրանք, ովքեր ծանոթ են Ատլանտյան և Կարիբյան կղզիներին, գիտեն, որ կարևոր է պատրաստվել փոթորիկին: Ամեն ամառ մենք համալրում ենք մեր պահոցը մարտկոցներով, ջրով, պահածոներով և այլ անհրաժեշտ բաներով: Մենք միշտ խուզում ենք մեր ծառի ճյուղերը: Մենք պլանավորում են, թե որտեղ ենք գնալու տարահանման դեպքում:

Սակայն ափին մոտ ապրող շատերի համար մենք կարող է ծուլանում ենք մեր պատրաստությունների մեջ: Փոթորիկի վտանգից մի քանի տարի անց մենք մեր պաշարներն օգտագործում ենք: Չնայած օդերևույթաբանները մեզ ամեն տարի զգուշացնում են պատրաստ լինել, շատ հաճախ մենք նախընտրում ենք սպասել մինչև հորիզոնում փաստացի փոթորիկի նշաններ երևան:

Դա այն է, ինչ տեղի ունեցավ այն տարին, երբ ես 9 ամսական հղի էի և երկու կատեգորիաների երեք փոթորիկ հարվածեց մեր ափամերձ քաղաքին: Խանութները լեփ-լեցուն էին սնունդ և ջուր գնող մարդկանցով: Ես վեր ցատկեցի՝ պարզելու՝ ուր գնամ և ինչ վերցնեմ ինձ հետ: Գազալցակայաններում երկար հերթեր էին: Եվ փոթորիկից հետո, երբ բոլորը շաբաթներով առանց հոսանքի էին, փոթորիկին պատրաստ լինելու անհրաժեշտությունն ակնհայտ էր:

Կյանքի փոթորիկները

Թվում է, թե առողջ միտք է փոթորիկին, տորնադոյին կամ մրրիկին նախօրոք պատրաստվելը: Իսկ ին՞չ կասեք կյանքի փոթորիկներին պատրաստվելու մասին: Պե՞տք է նախօրոք պատրաստվել փորձության և տառապանքի ժամանակաշրջաններին:

Ես կարծում եմ, որ կարևոր է մեր մտքերն ու սրտերն պատրաստել կյանքի անխուսափելի փորձություններին: Առանց աստվածաբանական հիմքի այդպիսի փոթորիկներին առերեսվելիս մենք ավելի մեծ ռիսկի տակ ենք՝ քշվելու տառապանքի սաստիկ քամիներից:

Ի՞նչ է նշանակում աստվածաշնչյան հիմքեր ունենալը: Դա նշանակում է ունենալ տառապանքի մասին աստվածաբանություն. իմանալ, թե Աստծո մասին ինչին ենք հավատում և ինչու, Նրա գերիշխանությանը, և դժվարություններին, որոնց մենք առերեսվում ենք այս աշխարհում:

Տառապանքի մասին աստվածաբանություն զարգացնելը

Այսպիսիով, ինչպե՞ս ենք մենք զարգացնում տառապանքի մասին աստվածաբանություն: Որո՞նք են այն գործնական միջոցները, որոնք մենք կարող ենք նախապատրաստել կյանքի փոթորիկների համար: Ահա չորս հասարակ միջոց (փոթորիկի դեպքում պաշարների հավաքման նման), որոնց մենք կարող ենք դիմել՝ պատրաստելու ապագա փոթորիկներին:

1. Խոսքն ուսումնասիրելը: Մենք պետք է ուսումնասիրենք, թե ինչ է Աստվածաշունչն ասում փորձությունների և տառապանքի մասին: Ինչու՞ դրանք գոյություն ունեն: Ինչպե՞ս մենք պետք է պատասխանենք: Ինչպե՞ս է Աստված օգտագործում տառապանքը մեր կյանքում: Մենք նաև պետք է ուսումնասիրենք, թե ինչ է մեզ Սուրբ Գիրքն սովորեցնում Աստծո մասին, ով է Նա և ինչպիսինն էՆրա բնավորությունը: Մեծ տարբերություն կա,՝ արդյոք, մենք հավատում ենք, որ Աստված այնտեղ է մեզ ձեռք բերելու համար, թե հավատում ենք, որ Նա սուրբ է, արդար և բարի Իր ամեն գործերում:

2. Հաստատեք Աստծո գերիշխանությունը: Ինչին մենք հավատում ենք Աստծո գերիշխանության վերաբերյալ կարևոր դեր է խաղում այն բանում, թե ինչպես ենք մենք առերեսվում տառապանքներին: Արդյո՞ք մենք հավատում ենք, որ Նա բացառձակ վերահսկողություն ունի ամեն կատարվող բանի վրա: Արդյո՞ք մենք վստահում ենք, որ Նա ամեն բան՝ նույնիսկ մեր տառապանքները, բարիին և Իր փառքին գործակից կդարձնի: Ինչպե՞ս մենք կարող ենք վստահել և հույս գտնել իր գերիշխանության մեջ:

3. Անգիր սովորեք Սուրբ գիրքը: Մենք պետք է սովորենք խոսքեր, որոնք մատնանշում են կյանքի փորձությունների և տառապանքի մասին ճշմարտությունը: Մենք կարող ենք սովորել հատվածներ Աստծո կողմից մեզ տրված խոստումների մասին, Աստծո հանդեպ ունեցած մեր հույսի մասին, և թե ինչպես է Աստված տառապանքն օգտագործում մեր վերափոխման և Իր փառքի համար: Հռոմեացիս 8-րդ գլխում մի քանի կարևոր խոսքեր կան, ինչպիսիք են՝ Հռոմեացիս 8:18, 28-30, 35-39-ը:

4. Աղոթեք: Մենք պետք է զարգացնենք ակտիվ աղոթքի կյանք: Կյանքի հանդարտ շրջաններում մենք պետք է աճենք աղոթքի մեջ և սովորենք ամեն բանի համար դիմել Աստծուն: Ինչքան շատ վստահենք և հույսներս դնենք Աստծո վրա աղոթքի մեջ, այնքան ավելի կօգտագործենք աղոթքը կյանքի փորձությունների ժամանակ: Ճգնաժամի ժամանակ մենք հակված ենք բնազդաբար բաներ անել: Աղոթքը պետք է բնազդաբար լինի՝ ինչպես շնչելը:

Տաս տարի առաջ էր, երբ ես ծննդաբերեցի իմ առաջնեկին, այն բանից հետո, երբ փոթորիկը հարվածեց մեր քաղաքին: Դա սարսափելի ժամանակ էր, որը դժվար է մոռանալ: Կյանքի փոթորիկներին անպատրաստ առերեսվելը նույնպես սարսափելի է: Խաղաղության և հանդարտության ժամանակ է, որ մենք պետք է զարգացնենք տառապանքի աստվածաբանությունը՝ մեզ դժվար հարցերի միջոցով ընկղմելով Սուրբ Գրքի և աղոթքի մեջ: Եվ մենք պետք է աղոթենք հավատքի համար, որն առերեսվում է կյանքի փոթորիկների կողմից թողած ավերվածությանը, հավատքի համար, որը կարող է ասել.ՙԹող օրնված լինի ՏԻՐՈՋ անունը՚: