Խորհուրդ հովիվներին. ինչպես օգնել ձեր ժողովրդին ավելի բավարարված լինել Աստծո մեջ:

Gospel Translations Armenianյից՝ ազատ հանրագիտարանից

1. Սիրեք Աստծուն Ձեր ամբողջ սրտով, հոգով, մտքով և զորությամբ` այլ մարդկանց ներկայությամբ: Դա վարակիչ է:
2. Սիրեք մյուս մարդկանց Աստծո շնորհքի զորությամբ: Այսինքն` մարդկանց նկատմամբ Աստծո սիրո միջոցով ցույց տվեք նրանց Քրիստոսի գեղեցկությունը, այնպես, ինչպես որ դուք եք սիրում նրանց:
3. Նրանց պատմեք պատմություններ այն մարդկանց մասին, ովքեր գերվել են Աստծո գեղեցկությամբ և փառքով: Թերևս, Աստծուն կարևորող մարդկանց փորձառությունների վերաբերյալ իրական պատմությունները արթնություն են բերում:
4. Ճոխ բառերով նկարագրեք Աստծո արժեքը, Նրա հարստությունը:
5. Մարդկանց սովորեցրեք աղոթել իրենց սեփական սրտի վերափոխման համար, այսինքն` ուսուցանեք նրանց աղոթել սաղմոսերգուների հետ.<<Իմ սիրտը ուղղիր քո վկայությունների, և ոչ թե շահի վրա>>:
6. Ձեր մարդկանց մեջ ձևավորեք Աստծո խոսքի մասին երկար խորհելը և խորհրդածելը: Շատ մարդիկ չգիտեն, թե ինչպես պետք է հասկանալ Սուրբ գրքի խոսքը, արտահայտությունը կամ նախադասությունը, ինչպես այն պահել հիշողության մեջ, վերծանել մտքում, նայել դրան տարբեր կողմերից և շատ հարցեր տալ դրանց վերաբերյալ, կիրառել դրանք իրենց կյանքի տարբեր ոլորտներում և մտածել դրանց նմանակների մասին իրենց: Բայց իրականում այս մտածմունքերի մեջ է, որ պտղի հյութը սկսում է հոսել և արթնացնել հոգու ճաշակելիքի ռեցեպտորները:
7. Մարդկանց սովորեցրեք Աստվածաշնչից կոնկրետ, հատուկ խոստումներ գտնել, որից նրանք կարող են բավականություն ստանալ: Երբ Պողոսը Հռոմեացիս 15:13-ում ասում է. <<Թող յոյսի Աստուածը լիացնի ձեզ ամենայն ուրախութեամբ եւ խաղաղութեամբ.. .>>, նա մատնանշում է, որ ուրախությունը և խաղաղությունը գալիս են, երբ մենք հավատում ենք Աստծո թանկագին և մեծ խոստումներին: Այսպիսով` մարդիկ պետք է ավելի մանրակրկտորեն փնտրեն խոստումները և հետո դրաք պահեն իրենց մտքերում և օրեցօր ապրեն դրանով:
8. Աղոթեք Ձեր մարդկանց համար, որ նրանց սրտերը փափկանան և ավելի զգայուն ու ավելի ընկալունակ լինեն Քրիստոսի գեղեցկության նկատմամբ:
9. Օգնեք Ձեր մարդկանց անջատել հեռուստացույցը: Մեր մշակությում սակավաթիվ բաներ են ավելի հոգևորապես անզգայացնում, քան հեռուստատեսությունը: Նույնիսկ այսպես կոչված <<լավ>> շոուները մեծ հաշվով տափակ և ցածր հայացքներ ունեն և ոչինչ չեն կարողանում անել Աստծո մեջ բավականություն ստանալու համար անհրաժեշտ հարուստ և խոր կարողության առաջացման համար: Եվ երբ դրան ավելացնում ենք հանդուգն գովազդների շարքը, որոնք ընկերակցում են գրեթե ամեն ծրագրի, ես չեն զարմանում, թե ինչու մեր քրիստոնյաներից շատերը հոգևորապես ի վիճակի չեն ունենալ բարձր մտքեր և խոր զգացմունքներ:
10. Ցույց տվեք աստվածակենտրոն մարդկանց կենսագրությունը: Աստծո մեծության փառքը ճանաչող Քրիստոնյաների պայքարը և հաղթանակները շատ գրավիչ և արթնացնող են:
11. Մարդկանց սովորեցրեք բնական բաներից իրենց ուրախությունը վերափոխել Աստծո մեջ ուրախության: Ահա, թե ինչ ես ի նկատի ունեմ: Նույնիսկ ամենատխուր մարդը, թերևս, մեկ կամ երկու բան ունի իր կյանքում, որը նրան երջանկություն է պարգևում: Դա կարող է լինել նրա ընտանիքը: Դա կարող է հյուսիսային անտառում գիշերային երկինքը լինել: Դա կարող է ձկնորսությունը լինել: Օգնեք նրանց տեղաշարժ կատարել, այսինքն` ընդունել <<ուրախություն>> կոչվող ալիքի երաժշտությունը իրենց հոգում և այն Աստծո հավատքի գործողության միջոցով տեղաշարժել բնականից դեպի գերբնականը, որովհետև Նա է, որ ստեղծել է և ընտանիք, և գիշերային երկինքը, և ձկնորսությունը: Օգնեք նրանց հասկանալ որ այս աշխարհում ամեն բան, որ, նրանց, իրոք, հիացմունք է պատճառում և հաճույք է բերում Աստծո պարգևն է, Նրա բնավորության և բարության արտացոլումը: Եթե նրանք ընդունակ են բավականություն ստանալ բնական բաներից, ուրեմն Սուրբ Հոգու շնորհքի միջոցով կարող են ընդունակ լինել այս ուրախությունները փոխարկել ավելի բարձր բանալու հետ և, այսպիսով, բացահայտել Աստծուն:
12. Մարդկանց կոչ արեք խոստովանել և հրաժարվել իրենց տանջող մեղքերից, որոնք նրանց ստիպում են անմաքուր զգալ և արգելափակում են Աստծո հետ իրական մտերմությունը:
13. Ուսուցանեք նրանց քրիստոնեական կյանքում տառապանքի անհրաժեշտության և արժեքի մասին, և որ այն այն չի կարող համեմատվել այն փառքի հետ, որը կբացահայտվի:

Սրանք որոշ բաներ են, որ կարող են օգնել ձեր մարդկանց:

Ես կարծում եմ, որ դուք կարող եք ձեր հոգու համար ձեռք բերել ամենաօգտակար բաները, և այն ուրախությունը, որ գտնում եք Աստծո մեջ, բաժնեկցել ուրիշների հետ:

Եղեք օրհնված ` կատարելով մտափոխության մեծ առաջադրանքը` Աստծո ուրախությունը բերելով ձեր ժողովքի մեջ: